1 Kings 14
Jeroboam Langah Ahijah Genkholhna
1Tua hun laitakin Jeroboam tapa Abijah a ci na a, 2Jeroboam in a zi kiangah, “Pai inla nang Jeroboam zi hong kisak loh nadingin na mel kisel in. Tua ciangin Shiloh ah pai in. Tua lai-ah kamsangpa Ahijah a om hi - amah hih mite tunga kumpi ka suah ding hong genpa ahi hi. 3Anlum lum sawm le khomun pawlkhat tawh khuaizu thawl khat tawh keng inla, a kiangah va pai in. Amah in naupang tunga piang ding hong gen ding hi,” a ci hi. 4Tua ciangin Jeroboam zi in a gen bangin hih a, Shiloh a Ahijah inn ah a va pai hi. a Tua hunin Ahijah a kum tam lua ta ahi manin a mit miala khua a mu thei nawn kei hi. 5Ahi hangin TOPA in Ahijah tungah, “Jeroboam zi a tapa cina ahi manin nang thu dong dingin hong pai hi, tuabang, tua bangin tuanu na dawng ding hi. Tuanu hong tun ciangin midang khat hong kineih ding hi,” ci-in a gen hi. 6 Tua ahi ciangin Ahijah in kongah a kheging a zak ciangin, “Jeroboam zi aw, hong tum ou. Bang dinga kineih se na hi hiam? Nang tunga tung ding thusia khat hong kipuak khin hi. 7Pai inla Jeroboam kiangah gen in, TOPA Israel Pasian gen hih ahi hi: ‘Mite lakpan nang kong laamto a, ka mi Israel-te tungah makai-in kong koih hi. 8David innkuan panin kumpi-gam ka khenkhama nang kong pia hi, ahi hangin nang ka nasempa David na bang kei hi; amah in ka thupiakte palsat lo a, a lungsim neih zahin kei hong zui-in ka muhna ah thumaan bekbek a sem hi. 9Nang ma-a nungta khempeuh sang a hoih lo zaw-in na gamta hi. Nang mahmah adingin daal sungin adang pasiante bawlin, ka heh nadingin nong phina, na nunglam nong denna hi. b 10 “‘Hih thu hangin Jeroboam innkuan tungah siatna ka tungsak ding hi. Jeroboam panin Israel sunga pasal khempeuh sila, sila lo ka satmai ding hi. Mi khat in a tum siang dongin ek a hal bangin Jeroboam innkuan ka haltum ding hi. 11Jeroboam tawh kisai khuapi sunga site, uite in ne ding uh a, gam sunga site huih laka vasate in kivakna-in a nei ding uh hi. TOPA gensa ahi hi!’ ci hi. c 12 “Nang na hih leh inn ah ciah in. Na khuapi sung na sik phetin pasalno a si ding hi. 13Israel khempeuh in amah kahin a vui ding uh hi. Jeroboam tawh kisai a kivui ding amah bek ahi hi; bang hang hiam cih leh TOPA Israel Pasian in Jeroboam innkuan sungah na hoih khatpeuh a muhna amah bek ahi hi. 14 “TOPA mahmah in Israel a uk ding kumpi khat khangsak dinga, tuapa in Jeroboam innkuan a satmai ding hi. Tuni hi ta! Bang ee? Tu mahmah nangawn ahi hi. ▼▼14.14 Hih gual Hebrew in a khiatna kician lo hi.
15Tuateh Israel, tui laka pumpeng kihuang a bat nadingin TOPA in a vat ding hi. Amah in a pute uh a piaksa hih gam hoih panin Israel bulkalhin Gunpi ▼▼14.15 Tua pen Euphrates
galah a thehthang ding hi; bang hang hiam cih leh amaute in Asherah khuamte bawlin TOPA a phin uh hi. ▼▼14.15 Tua pen Asherah pasian numei lim; hih mun le 1Ku. sung khempeuh
16Jeroboam in a bawl mawhnate le Israel a bawlsak mawhnate hangin amah in Israel a nusiacip ding hi,” a ci hi. g 17 Tua ciangin Jeroboam zi dingkhia in paisan a Tirzah ah a pai hi. A inn sangkil a sik phetin pasalno a si hi. 18TOPA in a nasem kamsangpa Ahijah tungah a gensa bangin amaute in amah vui uh a, Israel khempeuh in a kah uh hi. h 19 Jeroboam uk sunga thupiang dangte, a gal kidonate le a ukziate Israel kumpite khangthu ciamtehna sungah kigelh hi. 20Amah in kum sawmnih le nih sung uk-a tua ciangin a pate tawh a tawlnga khawm hi. Tuateh a tapa Nadab in a za luah a kumpi a suak hi. Judah Kumpi Rehoboam
21 Solomon tapa Rehoboam Judah ah kumpi ahi hi. Amah kumpi a suahin kum sawmli le khat pha a, TOPA in Israel behte khempeuh pana a telkhiat a Min a koihna Jerusalem khuapi ah kum sawm le sagih sung a uk hi. A nu min Naamah hi a; Ammon-te ahi hi. 22 TOPA mit ah Judah a hoih loin gamta hi. A pate uh gamtatnasa sangin amau bawl mawhna hangin ama hazatna a sosak zaw uh hi. 23Amaute mahmah adingin munsangte, suang siangthote le Asherah khuamte mualsang tung le singlim nuai tengah a koih uh hi. 24Gam sungah pasal kizuakna biakbukno nangawn om hi; TOPA in Israel-te mai pana a hawlkhiat minamte hih a kihhuaite khempeuh tua mite in a hih uh hi. i 25 Kumpi Rehoboam in a uk a kum ngana kumin Egypt kumpipa Shishak in Jerusalem a sim hi. 26Amah in TOPA biakinnpi gou khempeuh le kumpi inn a gou khempeuh a puakhia hi. Amah in na khempeuh la a, Solomon bawlsa kham tawh kibawl lumte zong a la hi. 27Tua ahi ciangin Kumpi Rehoboam in tuate tang dingin sumngo kibawl lumte bawla kumpi-inn lutna cingte a ukte tungah a ap hi. 28TOPA biakinnpi ah kumpipa a pai simin kongcingte in tua lumte na tawi uh a, tua khit ciangin a kicing inndei ah tuate a puak kik uh hi. 29 Rehoboam in a uk sung a thupiang adangte le ama sepsa khempeuh Judah kumpite khangthu ciamtehna laibu sungah kigelh hi lo ahi hiam? 30Rehoboam le Jeroboam kido tawntung uh hi. 31Tuateh Rehoboam a pate tawh tawlnga khawm ta a, David Khuapi sungah amaute tawh kivui khawm hi. A nu min Naamah hi a, Ammon-te ahi hi. Tuateh a tapa Abijah ▼▼14.31 Hebrew khutgelh pawlkhat le Septuagint (2Kh.12:16 zong en in). Hebrew khutgelh a tampen ah Abijam
in a za luah a kumpi a suak hi. k
Copyright information for
ZomZIV